தீபாவளி திருநாள்: ஆளுநர், தலைவர்கள் வாழ்த்து

தீபாவளி திருநாளையொட்டி, ஆளுநர் ஆர்.என். ரவி, தமிழக அரசியல் கட்சி தலைவர்கள் வாழ்த்து தெரிவித்துள்ள னர்.

- 

ஆளுநர் ஆர்.என். ரவி: தமிழகத்தின் அனைத்து சகோதர, சகோதரிகளுக்கும் மனமார்ந்த நல்வாழ்த்துகள். இருள் மீது ஒளியின் வெற்றியையும், தீமை மீது நன்மையின் வெற்றியையும், அறியாமை மீது ஞானத்தின் வெற்றியையும் தீபாவளி கொண்டாட்டம் குறிக்கிறது. இந்த நன் நாளில் அன்னை லக்ஷ்மி பூஜை மூலம் நமக்கு மகிழ்ச்சி, ஆரோக்கியம் வளம் நல்கும். அனைவருக்கும் மகிழ்ச்சியான, துடிப்பான, பாதுகாப்பான தீபாவளி வாழ்த்துகள்.

எல். முருகன் (மத்திய இணையமைச்சர்): தமிழக மக்களின் துயரங்களுக்கு தீர்வு ஏற்படவும், அடுத்த ஆண்டு நடைபெறும் சட்டப் பேரவை தேர்தலுக்குப் பின்பு மக்கள் விரும்பும் நல்லாட்சி மலரவும் பிரார்த்திப்போம். தீபாவளியின் தீப ஒளி நமக்கு வழிகாட்டும்.