தடையற்ற வர்த்தக ஒப்பந்தத்தால் என்னென்ன பயன்கள்?

இந்தியா, பிரிட்டனுடன் மிக முக்கியமான விரிவான பொருளாதார மற்றும் வர்த்தக ஒப்பந்தத்தில் (சிஇடி.ஏ) வியாழக்கிழமை கையொப்பமிட்டது.

- 

லண்டன், ஜூலை 24: இது இந்தியாவின் 16-ஆவது வர்த்தக ஒப்பந்தம். இரு நாடுகளுக்கும் இடையேயான வர்த்தகத்தையும், முதலீடுகளையும் அதிகரிக்கும் நோக்கில் இந்த ஒப்பந்தம் கையொப்பமாகியுள்ளது.

கடந்த 2014-ம் ஆண்டுமுதல், மோரீஷஸ், ஐக்கிய அரபு அமீரகம், ஆஸ்திரேலியா, ஐரோப்பிய கூட்டமைப்பான 'இஎஃப்டிஏ' நாடுகள், பிரிட்டன் ஆகியவற்றுடன் ஐந்து வர்த்தக ஒப்பந்தங்களில் இந்தியா கையொப்பமிட்டுள்ளது.

தடையற்ற வர்த்தக ஒப்பந்தம் என்றால் என்ன?

தடையற்ற வர்த்தக ஒப்பந்தம் என்பது இரண்டு அல்லது அதற்கு மேற்பட்ட நாடுகள் மேற்கொள்ளும் சிறப்பு ஒப்பந்தமாகும். இந்த ஒப்பந்தத்தின் மூலம், நாடுகள் தங்களுக்குள் பொருள்களை வர்த்தகம் செய்யும்போது விதிக்கப்படும் வரிகளைக் குறைக்கவோ அல்லது முழுமையாக நீக்கவோ ஒப்புக் கொள்கின்றன.