விண்வெளிக்கு இந்திய வீரர் வெற்றிப் பயணம்

இன்று சர்வதேச விண்வெளி நிலையத்தை அடைகிறார்

- 

புது தில்லி, ஜூன் 25: 'ஆக்ஸியம்-4' திட்டத்தின் கீழ், இந்திய வீரர் சுபான்ஷு சுக்லா உள்பட நான்கு பேர் கொண்ட குழுவினர் 'டிராகன்' விண்கலம் மூலம் சர்வதேச விண்வெளி நிலையம் நோக்கிய பயணத்தை புதன்கிழமை நண்பகலில் வெற்றிகரமாகத் தொடங்கினர்.

'ஸ்பேஸ்-எக்ஸ்' நிறுவனத்தின் 'ஃபால்கன் 9' ராக்கெட் மூலம் டிராகன் விண்கலம் விண்ணில் செலுத்தப்பட்டது. 28 மணி நேர பயணத்துக்குப் பிறகு டிராகன் விண்கலம் வியாழக்கிழமை (ஜூன் 26) மாலை சர்வதேச விண்வெளி நிலையத்தைச் சென்றடையும்.

கடந்த 1984-இல் ரஷிய விண்கலத்தில் இந்திய வீரர் ராகேஷ் ஷர்மா விண்வெளிக்குப் பயணித்த 41 ஆண்டுகளுக்குப் பிறகு முதல் முறையாக மீண்டும் ஒரு இந்திய வீரர் விண்வெளிப் பயணத்தை மேற்கொண்டுள்ளார்.