ராகுல் பிறந்த நாள்: கடலூர், சிதம்பரத்தில் காங்கிரஸார் நல உதவி

அகில இந்திய காங்கிரஸ் முன்னாள் தலைவர் ராகுல் காந்தியின் பிறந்த நாள் விழா கடலூரில் வியாழக்கிழமை கொண்டாடப்பட்டது.

- 

நெய்வேலி/சிதம்பரம், ஜூன் 19:

தமிழ்நாடு காங்கிரஸ் மாநிலச் செயலர் வழக்குரைஞர் ஏ.எஸ்.சந்திரசேகரன் தலைமை வகித்தார். இளைஞர் காங்கிரஸ் மாவட்டத் தலைவர் அருள் பிரகாஷ், சிறுபான்மைப்பிரிவு மாவட்டத் தலைவர் ரஹீம், மீனவரணி மாவட்டத் தலைவர் கார்த்திகேயன், காங்கிரஸ் சேவா தளம் மாவட்டத் தலைவர் ஆறுமுகம் ஆகியோர் முன்னிலை வகித்தனர்.

சிறப்பு அழைப்பாளராக கடலூர் மக்களவை உறுப்பினர் எம்.கே.விஷ்ணு பிரசாத் கலந்து கொண்டு பயனாளிகளுக்கு ஆடை மற்றும் அன்னதானம் வழங்கினார்.

நிகழ்ச்சியில், மத்திய மாவட்டத் தலைவர் திலகர், முன்னாள் இளைஞர் காங்கிரஸ் மாவட்டத் தலைவர் வழக்குரைஞர் கலை யரசன், சேவாதாள காங்கிரஸ் மாநில ஒருங்கிணைப்பாளர் பாலாஜி, மாவட்டத் துணைத் தலைவர் பாண்டுரங்கன், மாநிலப் பொதுக்குழு உறுப்பினர் சுந்தரமூர்த்தி உள்ளிட்டோர் கலந்து கொண்டனர். இதேபோல் கம்மியாபேட்டை முதியோர் இல்லத்தில் வட்டாரத் தலைவர் வேலுச்சாமி தலைமையில் அன்னதானம் வழங்கப்பட்டது.