வேளாண்மை, மீன் வளத்தில் தமிழகம் முதலிடம்

வேளாண்மை, பால்வளம், மீன்வளம் உள்ளிட்ட துறைகளில் தமிழகம் தேசிய அளவில் முதலிடத்தில் இருப்பதாக தமிழக அரசு தெரிவித்தது.

- 

சென்னை, மே 18: வேளாண்மை, பால்வளம், மீன்வளம் உள்ளிட்ட துறைகளில் தமிழகம் தேசிய அளவில் முதலிடத்தில் இருப்பதாக தமிழக அரசு தெரிவித்தது.

இதுதொடர்பாக அரசு சார்பில் வெளியிடப்பட்ட செய்திக் குறிப்பு:

முதல்வர் மு.க.ஸ்டாலின் தலைமையிலான அரசு பொறுப்பேற்ற முதலாண்டிலேயே வேளாண்மைத் துறைக்குத் தனி நிதிநிலை அறிக்கையைச் சட்டப்பேரவையில் தாக்கல் செய்ய நடவடிக்கை எடுக்கப்பட்டது.

அந்த வகையில், தொடர்ந்து 5 வேளாண் நிதிநிலை அறிக்கைகள் அளிக்கப்பட்டு, மொத்தம் ரூ.1,94,076 கோடி நிதி ஒதுக்கீட்டில் புதிய பல திட்டங்கள் அறிமுகப்படுத்தி செயல்படுத்தப்படுகின்றன.

முதல்வரின் முன்னெடுப்புகளால் முந்தைய ஆட்சிக்காலத்தில் 10 ஆண்டுகளில் சராசரியாக 1.36 சதவீதமாக இருந்த வேளாண் வளர்ச்சி 2021 முதல் 2024 வரை 5.66 சதவீதமாக உயர்ந்து சாதனை படைத்தது.

அதுமட்டுமல்லாது கேழ்வரகு, கொய்யா உற்பத்தித் திறனில் நாட்டிலேயே தமிழகம் முதலிடத்தில் உள்ளது.