ஆரணியில் அதிமுக சார்பில் சர்வ மத பிரார்த்தனை

திருவண்ணாமலை மாவட்டம், ஆரணியில் அதிமுக சார்பில் இந்திய ராணுவ வீரர்கள் நலமுடன் வாழவும், வெற்றி பெறவும் சர்வ மத பிரார்த்தனை மற்றும் நலத் திட்ட உதவிகள் வழங்கும் விழா சனிக்கிழமை நடைபெற்றது.

- 

ஆரணி/செய்யாறு, மே 10:

முன்னாள் முதல்வரும், எதிர்க்கட்சித் தலைவருமான எடப்பாடி பழனிசாமி பிறந்த நாளையொட்டி, மத்திய மாவட்ட ஜெயலலிதா பேரவை சார்பில் நடைபெற்ற இந்த நிகழ்வில், ஆரணி புனித அற்புத காணிக்கை அன்னை பேராலயத்தில் சிறப்பு பிரார்த்தனை நடத்தப்பட்டது.

இதைத் தொடர்ந்து, பாரதியார் தெருவில் உள்ள ஹஸ்ரத் சையத் தவக்கல் ஷா மஸ்தான் தர்காவில் சிறப்புப் பிரார்த்தனை, பூண்டி பொன்னெழில் நாதர் கோயிலில் சிறப்பு வழிபாடு, அரியாத்தம்மன் கோயிலில் சிறப்பு யாகம் உள்ளிட்டவை நடைபெற்றன.