2 நாள் ஏற்றத்துக்குப் பிறகு சென்செக்ஸ் சரிவுடன் நிறைவு

இந்த மாதத்தின் கடைசி வர்த்தக தினமான புதன்கிழமை பங்குச்சந்தை எதிர்மறையாக முடிந்தது. இதைத் தொடர்ந்து, மும்பை பங்குச்சந்தைக் குறியீட்டு எண்ணான சென்செக்ஸ், தேசிய பங்குச்சந்தைக் குறியீட்டு எண்ணான நிஃப்டி ஆகிய இரண்டும் சிறிதளவு நஷ்டத்துடன் முடிவடைந்தன.

- நமது நிருபர்

மும்பை/ புது தில்லி, ஏப். 30: இந்த மாதத்தின் கடைசி வர்த்தக தினமான புதன்கிழமை பங்குச்சந்தை எதிர்மறையாக முடிந்தது. இதைத் தொடர்ந்து, மும்பை பங்குச்சந்தைக் குறியீட்டு எண்ணான சென்செக்ஸ், தேசிய பங்குச்சந்தைக் குறியீட்டு எண்ணான நிஃப்டி ஆகிய இரண்டும் சிறிதளவு நஷ்டத்துடன் முடிவடைந்தன.

உலகளாவிய சந்தைக் குறிப்புகள் நேர்மறையாக இருந்தன. இதன் தாக்கத்தால் உள்நாட்டுச் சந்தை உற்சாகத்துடன் தொடங்கி மேலே சென்றது. இருப்பினும், எல்லையில் நிலவும் பதற்றங்கள் குறித்த புவிசார் அரசியல் கவலைகளுக்கு மத்தியில் எச்சரிக்கை நிலவியதால் லாபப்பதிவு வந்தது. குறிப்பாக தனியார் மற்றும் பொதுத் துறை வங்கிகள், நிதி நிறுவனங்கள், மெட்டல், மீடியா பங்குகள் அதிகம் விற்பனையை எதிர்கொண்டன.