திமுகவும் பாசிச கட்சிதான்: விஜய்

பாஜகவை பாசிச கட்சி என விமர்சிக்கும் திமுகவும் பாசிச கட்சிதான் என்று தமிழக வெற்றிக் கழகத்தின் தலைவர் விஜய் விமர்சித்தார்.

- 

சென்னை, மார்ச் 28:

சென்னை திருவான்மியூரில் வெள்ளிக்கிழமை நடைபெற்ற திமுக முதல் பொதுக்குழு கூட்டத்தில் அவர் பேசியதாவது: மத்தியில் ஆளும் பாஜக ஆட்சியை பாசிச ஆட்சி என்று முதல்வர் மு.க.ஸ்டாலின் அடிக்கடி அறிக்கைகள் வெளியிடுகிறார். ஆனால், தமிழகத்தில் திமுக ஆட்சியும் அதே பாசிச ஆட்சிதான்.

‘நேற்று வந்தவர்கள் எல்லாம் முதல்வராவதற்கு கனவு காண்கிறார்கள்’ என்று விமர்சிக்கிறீர்கள்; அது நடக்கவே நடக்காது என்றும் கூறுகிறீர்கள். பிறகு ஏன், மற்ற எந்தக் கட்சிகளுக்கும் இல்லாத தடைகளை திமுகவுக்கு விதிக்கிறீர்கள்?

இந்த மண் பிளவுவாத சக்திகளுக்கு எதிரான மண். சகோதரத்துவ மண். சமய நல்லிணக்கத்தைப் பேணும் சமூகநீதிக்கான மண். இதை நாம் பாதுகாத்தே தீர வேண்டும்.

தமிழகத்தில் சட்டம்-ஒழுங்கு இருப்பதாகவே தெரியவில்லை. பெண்கள், குழந்தைகளுக்கு எதிரான பாலியல் கொடுமைகள் அதிகரித்துள்ளன.