மாவட்டத்தில் அரசு உதவிபெறும் பள்ளிகளில் காலை உணவுத் திட்டம்

கோவை மாநகராட்சிக்கு உள்பட்ட சிங்காநல்லூர் காமராஜர் சாலை, காந்தி நூற்றாண்டு நடுநிலைப் பள்ளியில் காலை உணவுத் திட்டத்தை மாவட்ட ஆட்சியர் பவன் குமார் க.கிரியப்பனவர் செவ்வாய்க்கிழமை தொடங்கிவைத்தார்.

- 

கோவை, ஆக. 26:

தமிழ்நாடு முழுவதும் நகர்ப்புறத்தில் உள்ள அரசு உதவிபெறும் தொடக்கப் பள்ளிகளில் பயிலும் மாணவ, மாணவிகள் பயன்பெறும் வகையில் முதல்வரின் காலை உணவுத் திட்ட விரிவாக்கத்தை முதல்வர் ஸ்டாலின் செவ்வாய்க்கிழமை தொடங்கிவைத்தார்.

இதைத் தொடர்ந்து, கோவை மாநகராட்சி, சிங்காநல்லூர் காமராஜர் சாலை, காந்தி நூற்றாண்டு நடுநிலைப் பள்ளியில் காலை உணவுத் திட்டத்தை மாவட்ட ஆட்சியர் பவன் குமார் க.கிரியப்பனவர் தொடங்கி வைத்து, மாணவர்களுடன் காலை உணவு சாப்பிட்டார்.

இந்த நிகழ்ச்சிக்கு கோவை மக்களவை உறுப்பினர் கணபதி ப.ராஜ்குமார், மேயர் கா.ரங்கநாயகி, மாநகராட்சி ஆணையர் மா.சிவகுரு பிரபாகரன் ஆகியோர் முன்னிலை வகித்தனர்.