தேர்தல் வழக்கு: முன்னாள் அமைச்சர் கே.சி.வீரமணி மனு தள்ளுபடி

கடந்த 2021 சட்டப்பேரவைத் தேர்தலின்போது, தனது வேட்புமனுவில் சொத்து விவரங்களை மறைத்ததாக அதிமுக முன்னாள் அமைச்சர் கே.சி.வீரமணிக்கு எதிராக தேர்தல் ஆணையம் தொடர்ந்த வழக்கை ரத்து செய்ய சென்னை உயர்நீதிமன்றம் மறுத்து விட்டது.

- 

சென்னை, ஜூலை 18:

2021 சட்டப்பேரவைத் தேர்தலில் ஜோலார்பேட்டை தொகுதியில் அதிமுக சார்பில் முன்னாள் அமைச்சர் கே.சி.வீரமணி போட்டியிட்டார். அவர், தனது வேட்புமனுவில் சொத்து விவரங்களை மறைத்து தவறான தகவல்கள் அளித்ததாகக் கூறி, வேலூரைச் சேர்ந்த ராம மூர்த்தி என்பவர் தேர்தல் ஆணையத்தில் புகார் அளித்தார். அதன்பேரில், கே.சி.வீரமணிக்கு எதிராக திருப்பத்தூர் குற்றவியல் நடுவர் நீதிமன்றத்தில் தேர்தல் ஆணையம் தரப்பில் வழக்கு தொடரப்பட்டது.

இந்த வழக்கை ரத்து செய்யக் கோரி கே.சி.வீரமணி சென்னை உயர்நீதிமன்றத்தில் மனு தாக்கல் செய்தார்.