பள்ளிபாளையத்தில் 2 பெண்களிடம் சிறுநீரகம் திருட்டு மருத்துவ நலப் பணிகள் குழுவினர் விசாரணை

பள்ளிபாளையத்தில் ஏழைப் பெண்களிடம் ஆயிரக்கணக்கில் பணம் தருவதாக அழைத்துச் சென்று அவர்களுடைய சிறுநீரகத்தை (கிட்னி) திருடி விற்பனை செய்ததாக கூறப்படும் இடைத்தரகரை போலீஸார் தேடி வருகின்றனர்.

- 

நாமக்கல், ஜூலை 17:

நாமக்கல் மாவட்டம், பள்ளிபாளையம், குமாரபாளையம் நகராட்சிப் பகுதிகளில் 500-க்கும் மேற்பட்ட விசைத்தறிக் கூடங்கள் செயல்பட்டு வருகின்றன. இங்கு ஏராளமான ஆண், பெண் தொழிலாளர்கள் பணியாற்றி வருகின்றனர். வறுமை, குடும்பச் சூழல் காரணமாக விசைத்தறி அதிபர்கள், கந்துவட்டிக்காரர்களிடம் பணம் வாங்கிக்கொண்டு இரவு, பகல் பாராமல் பணியாற்றுவதும், மனரீதியாகவும், உடல்ரீதியாகவும் பல்வேறு நெருக்கடிக்கு உள்ளாகி வருவதும் தொடர்கதையாக உள்ளது.