புகார்கள் மீது நடவடிக்கை எடுக்காத காவல் துறை அதிகாரிகள்

சென்னை, விழுப்புரம் மற்றும் சேலம் பகுதிகளில் பாதிக்கப்பட்டவர்கள் புகார் மீது உரிய நடவடிக்கை எடுக்காத காவல் துறை அதிகாரிகளை பணியிடை நீக்கம் செய்ய டிஜிபிக்கு சென்னை உயர்நீதிமன்றம் உத்தரவிட்டுள்ளது.

- 

சென்னை, ஜூலை 15:

சென்னை உயர்நீதிமன்றத்தில் சூளைமேடு பகுதியைச் சேர்ந்த ஜரினா பேகம் என்பவர் தாக்கல் செய்த மனுவில், எனது மகளின் திருமணத்துக்காக வாங்கிய 92 பவுன் நகைகளை கடந்த 2018-ஆம் ஆண்டு அடையாளம் தெரியாத நபர்கள் கொள்ளையடித்துச் சென்றுவிட்டனர். இதுகுறித்து சூளைமேடு போலீஸார் வழக்குப் பதிவு செய்தனர். கடந்த 7 ஆண்டுகளாக நகைகளை மீட்க போலீஸார் எந்த நடவடிக்கையும் எடுக்காமல் அலைக்கழிக்கின்றனர். எனவே, இந்த வழக்கை சிபிசிஐடி விசாரணைக்கு மாற்ற வேண்டும் என்று குறிப்பிட்டிருந்தார்.