இஎல்ஐ திட்டத்தில் சேரும் புதிய தொழிலாளர்களுக்கு ஊக்கத்தொகை

வேலைவாய்ப்புடன் இணைந்த ஊக்கத்தொகை வழங்கும் (இஎல்ஐ) திட்டத்தில் ஆக.1 முதல் தொழில் நிறுவனங்களில் சேரும் புதிய தொழிலாளர்களுக்கு ஊக்கத்தொகை வழங்கப்படவுள்ளதாக மண்டல வருங்கால வைப்புநிதி ஆணையர் விஜய் ஆனந்த் தெரிவித்தார்.

- 

சென்னை, ஜூலை 4:

சென்னையில் உள்ள மத்திய அரசின் பத்திரிகை தகவல் அலுவலகத்தில் அவர் செய்தியாளர்களிடம் வெள்ளிக்கிழமை கூறியதாவது: இந்தியாவில் வேலைவாய்ப்பை அதிகரிக்கும் வகையில் வேலைவாய்ப்புடன் இணைந்த ஊக்கத்தொகை வழங்கும் இஎல்ஐ திட்டத்தை மத்திய அரசு அண்மையில் அறிவித்தது.

இத்திட்டத்துக்கு மத்திய அமைச்சரவை ஜூலை 1-ஆம் தேதி ஒப்புதல் அளித்து ரூ.99,446 கோடி நிதி ஒதுக்கியது.