சிறுவன் காரில் கடத்திக் கொலை: இரு இளைஞர்களிடம் போலீஸார் விசாரணை

கிருஷ்ணகிரி மாவட்டம், அஞ்செட்டி வட்டம், மாவனட்டி கிராமத்தைச் சேர்ந்த கட்டடத் தொழிலாளி சிவராஜ் - மஞ்சுளா தம்பதியின் இளைய மகன் ரோஹித் (13). அந்தப் பகுதியில் உள்ள அரசுப் பள்ளியில் 8-ஆம் வகுப்பு படித்து வந்தார்.

- 

ஒசூர், ஜூலை 3: ரோஹித்துக்கு உடல்நிலை சரியில்லை என புதன்கிழமை பள்ளிக்குச் செல்லவில்லை.

இந்நிலையில், மாலை 4 மணி அளவில் அந்தப் பகுதியில் உள்ள நண்பர்களுடன் ரோஹித் விளையாடச் சென்றார். இரவு நீண்ட நேரமாகியும் அவர் வீட்டுக்கு வராமல் இருந்ததால், பெற்றோர் பல இடங்களில் தேடினர். அவர் கிடைக்காததால் இரவு 8 மணி அளவில் அஞ்செட்டி காவல் நிலையத்தில் புகார் அளித்தனர்.

இந்நிலையில், சிறுவன் காணாமல் போனது குறித்து போலீஸார் எந்த நடவடிக்கையும் எடுக்கவில்லை எனக் கூறி, ரோஹித்தின் உறவினர்கள் 100-க்கும் மேற்பட்டோர் அஞ்செட்டி பேருந்து நிலையம் அருகில் வியாழக்கிழமை சாலை மறியலில் ஈடுபட்டனர். இதையடுத்து, போலீஸார் அவர்களிடம் சமாதான பேச்சுவார்த்தை நடத்தினர்.