குடமுழுக்கு விழாவை தமிழ் நெறியில் நடத்த வலியுறுத்தல்

மருதமலை சுப்பிரமணிய சுவாமி கோயில்

- 

கோவை, மார்ச் 26: மருதமலை சுப்பிரமணிய சுவாமி கோயில் குடமுழுக்கு விழாவை தெய்வத்தமிழ் நெறியில் நடத்த வேண்டும் என்று சண்டிகேசுவரர் சேவா அறக்கட்டளை வலியுறுத்தியுள்ளது.

இது குறித்து அறக்கட்டளையின் தலைவர் து.சுரேஷ்பாபு, வழக்குரைஞர் முத்துக்குமார், ராமலிங்கம் ஆகியோர் கோவையில் செய்தியாளர்களிடம் புதன்கிழமை கூறியதாவது: மருதமலை சுப்பிரமணிய சுவாமி கோயிலில் ஏப்ரல் 4 ஆம் தேதி குடமுழுக்கு விழா நடைபெறுவதாக அறிவிக்கப்பட்டு, பணிகள் நடைபெற்று வருகின்றன. இந்த விழாவை தெய்வத் தமிழ் நெறியில் நடத்த வேண்டும் என்று நாங்கள் வலியுறுத்துகிறோம். இந்தக் கோயில் இரண்டு தலைமுறைகளுக்கு முன்பு வரை சிவாச்சாரியர்கள் அல்லாத பூசாரிகளால் வழிபாடு நடத்தப்பட்டு வந்த மரபுக்குரியதாகும்.