போர் நிறுத்த பேச்சுவார்த்தைக்கு மத்தியில் தரைவழி தாக்குதலுக்கு தயாராகும் அமெரிக்கா

கார்க், ஹார்முஸ் ஜலசந்தியை கைப்பற்ற திட்டம்; பதிலடிக்கு தயாராக இருப்பதாக ஈரான் அறிவிப்பு

- 

மேற்கு ஆசியாவில் போர் நிறுத்த பேச்சுவார்த்தைக்கு மத்தியில் அமெரிக்கா ஈரானில் தரைவழி தாக்குதல் நடத்த ரகசியமாக திட்டமிட்டிருப்பதாக பரபரப்பு தகவல் வெளியாகி உள்ளது. அதற்கும் பதிலடி தர ஈரான் படைகளும் தயாராக இருப்பதாக அந்நாட்டு நாடாளுமன்ற சபாநாயகர் காலிபாப் கூறி உள்ளார்.

ஈரான் மீது அமெரிக்கா, இஸ்ரேல் படைகள் தொடுத்துள்ள மேற்கு ஆசியா போர் நேற்று 30வது நாளை எட்டியது. இப்போரால் உலக அளவில் கடுமையான பொருளாதார பாதிப்புகள் ஏற்பட்டுள்ள நிலையில், போரை முடிவுக்கு கொண்டு வர பேச்சுவார்த்தை நடப்பதாக அமெரிக்க அதிபர் டிரம்ப் கூறி வருகிறார். பாகிஸ்தான் தலைமையில் சவுதி அரேபியா, துருக்கி, எகிப்து நாடுகளும் இணைந்து இரு தரப்பிலும் மத்தியஸ்தம் செய்வது குறித்து ஆலோசனை நடத்தி வருகின்றன.

இந்நிலையில், பேச்சுவார்த்தை நடவடிக்கைகளுக்கு மத்தியில் ஈரானில் ரகசியமாக நுழைந்து தரைவழி தாக்குதல் நடத்த அமெரிக்கா திட்டமிட்டிருப்பதாக தகவல்கள் நேற்று வெளியாகின.