இதெல்லாம் போதாது, இன்னும் வளர்ச்சி வேண்டும்

கல்லூரி மாணவர்களுக்கு 10 லட்சம் மடிக்கணினிகள் வழங்கும் திட்டத்தை தொடங்கி வைத்து முதல்வர் மு.க.ஸ்டாலின் பேச்சு

- 

'உலகப் பத்திரிகையே தமிழ்நாட்டை இன்றைக்கு சூப்பர் ஸ்டார் ஸ்டேட் என்று சொல்கிறார்கள். இது எல்லாம் கண்டிப்பாக போதாது. இன்னும் வளர்ச்சி வேண்டும். உலகம் உங்கள் கையில் இருக்கிறது. ஜெயித்து விட்டு வாருங்கள், நீங்களும் ஜெயித்து வாருங்கள், நாங்களும் ஜெயித்துவிட்டு வருகிறோம். எப்போதுமே உங்கள் கூடவே இருப்போம்' என்று முதல்வர் மு.க.ஸ்டாலின் கூறினார்.

சென்னை, நந்தம்பாக்கம் வர்த்தக மைய வளாகத்தில் உயர்கல்வித் துறை சார்பில் நேற்று நடந்த நிகழ்ச்சியில், கல்லூரி மாணவர்களின் திறன் வளர்ச்சி மற்றும் டிஜிட்டல் முன்னேற்றத்திற்காக “உலகம் உங்கள் கையில்” என்னும் மாபெரும் திட்டத்தில் 20 லட்சம் மடிக்கணினிகள் வழங்கும் திட்டத்தின் முதற்கட்டமாக 10 லட்சம் மடிக்கணினிகளை கல்லூரி மாணவ, மாணவியர்களுக்கு வழங்கி தொடங்கி வைத்து முதல்வர் மு.க.ஸ்டாலின் பேசியதாவது: