27 ஆண்டுகளுக்கு முன்பு விஜய்மல்லையா தானம் சபரிமலையில் 30 கிலோ தங்கம் மாயமா?

சபரிமலை ஐயப்பன் கோயில் பணிகளுக்காக 27 வருடங்களுக்கு முன் பிரபல தொழிலதிபர் விஜய் மல்லையா வழங்கிய 30.300 கிலோ தங்கம் மாயமானதாக கூறப்படுவது கேரளாவில் பரபரப்பை ஏற்படுத்தியுள்ளது.

- 

சபரிமலை ஐயப்பன் கோயிலில் எந்த முக்கியப் பணிகளை நடத்த வேண்டும் என்றாலும் கேரள உயர் நீதிமன்றத்தின் அனுமதி பெறாமல் செய்ய முடியாது. அனைத்துப் பணிகளையும் உயர்நீதிமன்றத்தின் கண்காணிப்பில் மட்டுமே நடத்த முடியும். ஆனாலும் இந்தக் கோயிலில் முறைகேடுகள் நடைபெறுவதாக அடிக்கடி தகவல்கள் வெளியாகி வருகின்றன. பக்தர்கள் நன்கொடையாக வழங்கும் பணம் மற்றும் பொருட்களை திருடுவது, அன்னதானம் மற்றும் கோயில் வளர்ச்சிக்காக பக்தர்கள் நன்கொடையாக வழங்கும் பணத்தை மோசடி செய்தது உள்பட பல சம்பவங்கள் வெளிச்சத்திற்கு வந்துள்ளன.