திருமணத்திற்கு புறம்பான உறவுமுறை அதிகரிப்பு

உலக நாடுகளில் வேறு எந்த நாட்டிற்கும் இல்லாத ஒரு தனி சிறப்பு இந்தியாவிற்கு உண்டு. அது நமது கலாச்சாரம், பண்பாடு.

- 

இந்தியர்கள் திருமண வாழ்க்கை முறைக்கு அதிக முக்கியத்துவம் தருகிறார்கள். ஒருவனுக்கு ஒருத்தி என்ற கோட்பாடுடன் வாழ்கிறார்கள். அவர்களிடம் குடும்ப முறை கலாச்சாரம் அனைத்தும் சிறப்பான முறையில் உள்ளது என உலக நாடுகள் நம்மை போற்றி வருகின்றன. மற்ற நாடுகளோடு ஒப்பிடுகையில் நமது கலாச்சாரம் கண்டிப்பாக போற்றத்தக்கது. அதில் எந்த மாற்றுக்கருத்தும் இல்லை. ஆனால் சமூக வலைதளங்களின் பாதிப்பு அதிகரிக்க அதிகரிக்க பல்வேறு விஷயங்களை நாம் முதலில் எதிர்த்துப் போராடினாலும் அதன் பின்பு அதனை ஏற்றுக் கொண்டு வாழ வேண்டிய காலகட்டத்திற்கு வந்துள்ளோம்.

இந்தியாவில் கடந்த சில ஆண்டுகளாகவே கலாச்சார சீரழிவு ஏற்பட்டு வருகிறது. இதற்கு செல்போன்கள் முக்கிய காரணமாக அமைந்துவிட்டது. காலத்தின் கட்டாயம் அதை ஒதுக்கி வைத்துவிட்டு நம்மால் வாழ்க்கையை நடத்த முடியாது. செல்போன் என்பது முதன்முதலில் கண்டுபிடித்தபோது அது மனிதர்களுக்கு மிகப்பெரிய வரப்பிரசாதமாக இருந்தது. எந்த நேரம் வேண்டுமானாலும் யாரை வேண்டுமானாலும் தொடர்பு கொள்ளலாம். மேலும் வேலை செய்யும் இடங்களில் அது நிறுவனங்களுக்கும் ஊழியர்களுக்கும் ஒரு பாலமாக அமைந்தது. இதனால் அடித்தட்டு மக்கள் வரை அனைவரும் செல்போன்களை வாங்கி பயன்படுத்த தொடங்கினர்.