காற்றுமாசை தடுக்க நச்சுப்புகையை சுத்திகரித்து டைல்ஸ் தயாரிப்பு

போக்குவரத்து, தொழிற்சாலைகளால் ஏற்படும்

- 

உலக மக்கள் தொகையில் 99 சதவீத மக்கள், அதாவது கிட்டத்தட்ட நாம் அனைவருமே தரமற்ற காற்றையே சுவாசித்து வருவதாக உலக சுகாதார நிறுவனத்தின் அறிக்கைகள் கூறுகின்றன. நாம் சுவாசிக்கும் காற்று, அதிக அளவு மாசுபாடுகளைக் கொண்டதாக மாறிவருவதாக சுகாதார நிறுவனம் எச்சரிக்கிறது. பொதுவாக காற்று மாசுபாடு என்பது, வளி மண்டலத்தின் இயற்கையான பண்புகளை வேதியியல், இயற்பியல் அல்லது உயிரியல் காரணிகளால் மாற்றியமைக்கும் நிலையாகும்.

வீட்டில் பயன்படுத்தப்படும் எரிப்பு சாதனங்கள், அதிகரித்து வரும் மோட்டார் வாகனங்கள், தொழிற்சாலைகளில் இருந்து வெளியேறும் நச்சுப்புகை, காட்டுத் தீ ஆகியவை காற்று மாசுபாட்டிற்கான பொதுவான ஆதாரங்களாக விளங்குகிறது. இந்த மாசுபாடு கலந்த காற்றை சுவாசிப்பதால், சுவாசம் சார்ந்த பிரச்னைகள் மட்டுமின்றி, பல்வேறு விதமான பிற நோய்களும் ஏற்படுகிறது.

குறிப்பாக, மாசுபாடு கலந்த காற்றில் உள்ள துகள்கள், பக்கவாதம், இதய நோய்கள், நுரையீரல் புற்றுநோய், கடுமையான மற்றும் நாள்பட்ட சுவாச நோய்களுக்கு வழிவகுக்கும். உடல்நலத்திற்கு ஊறுவிளைவிக்கும் இந்த காற்று மாசுபாட்டைக் குறைப்பதற்காக பல்வேறு திட்டங்களை, உத்தரவுகளை அரசுகள் செயல்படுத்தி வருகின்றன. ஆனால், அவை முழுமையாக கடைபிடிக்கப்படாத காரணத்தால், காற்று மாசு என்பது தவிர்க்க முடியாத ஒன்றாகியுள்ளது.

நமது எதிர்கால சந்ததியினர் தூய்மையான காற்றை சுவாசிக்க, நாம் ஒவ்வொருவரும் மாசுபாட்டை தவிர்ப்பதற்கான நடவடிக்கைகளில் ஈடுபட வேண்டியது அவசியமாகியுள்ளது. அந்த வகையில் சேலத்தை சேர்ந்த அரசுப்பள்ளி மாணவர்கள் போக்குவரத்து, தொழிற்சாலைகளில் இருந்து வெளியேறும் நச்சுப்புகைகளை சுத்திகரிப்பதுடன், அதனை பயனுள்ள வகையில் டைல்ஸ் கற்களாக மாற்றுவதற்கான கண்டுபிடிப்பை உருவாக்கி அசத்தியுள்ளனர்.