கணவனா காதல் கொண்ட மாமனா ? தடுமாறும் பெண்...

அன்புள்ள டாக்டர், நான் இருபத்து நாலு வயது இல்லத்தரசி. எனக்கு திருமணமாகி இரண்டு வருடங்களாகிறது. ஒரு வயது மகள் இருக்கிறாள். என் கணவர் இப்போது வெளிநாட்டில் இருக்கிறார். என் மாமியார் கடந்த வருடம் இறந்துவிட்டார். மாமனார் எங்கள் திருமணத்துக்கு முன்பே உயிரோடு இல்லை. அதனால் நான் என் குழந்தையுடன் என் அம்மா அப்பா வீட்டில்தான் வசிக்கிறேன். வீட்டில் இருந்தால் போர் அடிக்கிறது. என அருகில் உள்ள ஒரு நிறுவனத்தில் பணியாற்றிக்கொண்டிருக்கிறேன்.

- 

எனக்கு சிறு வயதில் இருந்தே என் மாமா மகனைத்தான் திருமணம் செய்யப் போவதாகச் சொல்லி வந்தார்கள். அதனால் நானும் அவரை மனதுக்குள் நேசித்து வந்தேன். ஆனால், என் அத்தையோ பணத்தாசை பிடித்தவர். திடீரென நல்லதொரு வசதியான வரன் வரவே அவர்கள் என் மாமாவுக்கு அவரை மணம் முடித்துவிட்டார்கள். நான் உள்ளுக்குள் உடைந்துபோனேன். ஆனால், என் பெற்றோர் வருந்துவார்கள் என அதனை வெளியே காட்டிக்கொள்ளவில்லை.

இந்நிலையில்தான் என் கணவர் என்னை பெண் பார்க்க வந்தார். நானும் ஒப்புக்கொண்டேன். இருவருக்கும் நிச்சயம் முடிந்த நிலையில் நான் காதலித்த என் மாமாவின் மனைவி ஒரு கார் விபத்தில் இறந்துவிட்டார். என் மாமா, மனைவி இறந்த வேதனையில் இருந்தார். அந்நாட்களில் நான் என் கணவரோடு போனில் பேசியதைவிடவும், என் மாமாவோடுதான் பேசுவேன். என் பேச்சு அவருக்கு ஆறுதலாக இருந்தது. உண்மையில் எனக்கு அப்போது நிச்சயமாகாமல் இருந்திருந்தால், நான் என் மாமாவைத்தான் திருமணம் செய்திருப்பேன். ஆனால், அதற்குள் எல்லாம் கைமீறிவிட்டது. எங்கள் திருமணமும் முடிந்தது. கண் மூடித் திறப்பதற்குள் காலம் பறந்துவிட்டது.