மாநில அரசு மற்றும் ஆளுநர் இடையே மோதல் கேரள பல்கலை. துணைவேந்தர்களை நியமிக்க நீதிமன்றமே தேர்தல் குழுவை அமைத்தது

தமிழ்நாடு ஆளுநர் நடவடிக்கைக்கு எதிராக மாநில அரசு வழக்கு தொடர்ந்தது. போன்றே கேரளா அரசு தரப்பிலும் அம்மாநில ஆளுநருக்கு எதிராக இரண்டு ரிட் மனுக்களை உச்ச நீதிமன்றத்தில் தாக்கல் செய்திருந்தது.

- 

இதில் குறிப்பாக தமிழ்நாடு ஆளுநர் ஆர். ரவிக்கு எதிராக மாநில அரசு தொடர்ந்த வழக்கில் கடந்த ஏப்ரல் மாதம் உச்ச நீதிமன்றம் அதிரடியான ஒரு தீர்ப்பை வழங்கி இருந்தது. அதில், மாநில அரசுகளால் சட்டப்பேரவையில் நிறைவேற்றி அனுப்பி வைக்கப்படும் மசோதாக்களுக்கு குடியரசுத் தலைவர் மற்றும் ஆளுநர் ஆகியோர், மசோதா அனுப்பி வைக்கப்பட்ட அடுத்த மூன்று மாதங்களுக்குள் ஒப்புதல் வழங்க வேண்டும் என்றும், அதேப்போன்று தமிழ்நாடு சட்டமன்றத்தில் இயற்றப்பட்டு, ஆளுநர் ஆர்.என். ரவியால் குடியரசுத் தலைவருக்கு அனுப்பி வைத்து இருந்த பத்து மசோதாக்களுக்கும் உச்ச நீதிமன்றம் தனது சட்டப்பிரிவு 142ஐ பயன்படுத்தி ஒப்புதலும் வழங்கியிருந்தது.

இதையடுத்து தமிழ்நாட்டுக்கு வழங்கப்பட்ட உத்தரவு எங்களுக்கு பொருந்தும் எனக்கூறி, ஆளுநருக்கு எதிராக தாக்கல் செய்யப்பட்டிருந்த வழக்கை கடந்த மாதம் 25ம் தேதி கேரளா அரசு திரும்பப்பெற்றது. அதற்கு உச்ச நீதிமன்றமும் அனுமதி வழங்கியது.