207 அரசுப்பள்ளிகளில் மாணவர்கள் இல்லையா?

தமிழகத்தில் 207 அரசுப் பள்ளிகளில் மாணவர்கள் இல்லை என்று வெளியாகியுள்ள செய்திக்கு தொடக்க கல்வித்துறை விளக்கம் அளித்துள்ளது.

- 

இது குறித்து தொடக்கக் கல்வித்துறை வெளியிட்டுள்ள அறிக்கை:

தமிழ்நாட்டில் 207 அரசுப் பள்ளிகளில் மாணவர்கள் எண்ணிக்கை பூஜ்ஜியம் நிலையில் உள்ளதால் அந்த பள்ளிகள் மூடப்பட்டு வருகிறது என்று செய்தி வெளியாகியுள்ளது. அரசு, நிதி உதவி பெறும் பள்ளிகள், பகுதி நிதியுதவி பெறும் பள்ளிகள், சுயநிதி பள்ளிகள், ஒன்றிய அரசுப் பள்ளிகள் என மொத்தம் 58 ஆயிரத்து 924 உள்ளன. இவற்றில் 1 கோடியே 21 லட்சத்து 22 ஆயிரத்து 814 மாணவ மாணவியர் படிக்கின்றனர். 5 லட்சத்து 34 ஆயிரத்து 799 ஆசிரியர்கள் பணியாற்றி வருகின்றனர். இவற்றில் அரசு தொடக்க மற்றும் நடுநிலைப்பள்ளிகள் 208, நிதியுதவி பெறும் பள்ளிகள் 114, பகுதி நிதியுதவி பெறும் பள்ளிகள் 11, சுயநிதி பள்ளிகள் 869, ஒன்றிய அரசுப் பள்ளிகள் 2 ஆகியவற்றில் மாணவர்கள் சேர்க்கை நிகழவில்லை.