சுற்றுச்சூழலை பாதுகாக்கும் வகையில் உலகளாவிய விளையாட்டு நகரம்

பழைய மாமல்லபுரம் சாலை செம்மஞ்சேரியில் பல்வேறு விளையாட்டு வசதிகளுடன், சுற்றுச்சூழலையும் பாதுகாக்கும் வகையில் உலகளாவிய விளையாட்டு நகரம் அமைக் கும் பணிகள் 3 மாதங்களில் தொடங்கப்பட உள்ளதாக அதிகாரிகள் தெரிவித்தனர்.

- 

திமுக அரசு பொறுப்பேற்றது முதல் சென்னையில் செஸ் ஒலிம்பியாட் மிக பிரமாண்டமாக நடத்தப்பட்டது. அதன் பின் மகளிர் டென்னிஸ் சென்னை ஓபன் நடந்தது. தொடர்ந்து, ஆசிய கோப்பை ஹாக்கி, கார் பந்தயம் உள்ளிட்ட போட்டிகளும் நடந்தன. மேலும், இந்த ஆண்டு மீண்டும் மகளிர் டென்னிஸ் சென்னை ஓபன் நடைபெற உள்ளது. இந்நிலையில்தான் உலக அளவில் தமிழ்நாட்டை விளையாட்டுக்கான இருப்பிடமாக மாற்றும் திட்டத்திலும் தமிழ்நாடு அரசு களமிறங்கி உள்ளது. இந்நிலையில் கடந்த 2023ம் ஆண்டு சென்னையில் உலக தரத்திலான மெகா ஸ்போர்ட் சிட்டி எனும் விளையாட்டு நகரம் அமைக்கப்படும் என்று முதல்வர் மு.க.ஸ்டாலின் சட்டமன்றத்தில் அறிவித்து இருந்தார்.