ஊரக உள்ளாட்சிகளில் 2,984 மாற்றுத்திறனாளிகள் நியமனம்... முதல் பக்க தொடர்ச்சி

இந்த விழா நடைபெறுகிறது. நீங்கள் எல்லாம் இணைந்து இந்த பாராட்டு விழா நடத்துவதில் மகிழ்ச்சியும், மன நிறைவும் அடைகிறேன். வள்ளுவருக்கு கலைஞர் சூட்டிய புகழ்மாலைகளில் மிக முக்கியமானது, 1974ல் அவர் அடிக்கல் நாட்டிய இந்த வள்ளுவர் கோட்டம், இதை, இப்போது ரூ.80 கோடி மதிப்பீட்டில் புதுப்பித்திருக்கிறோம்.

- 

மாற்றுத் திறனாளிகளான நீங்கள் கலைஞர் உள்ளத்தில் எப்போதும் நிறைந்தவர்கள் நாம் எல்லோரும் சகோதர, சகோதரிகள் என்ற உணர்வுடன் இன்னும் சொல்ல வேண்டும் என்றால், கலைஞர் "உயிரினும் மேலான அன்பு உடன்பிறப்புகளே" என்று சொல்வாரே அந்த பாச உணர்வுடன் வந்திருக்கிறேன்.

இங்கே எனக்கு முன்னால் பேசியவர்கள் என்னைப் பாராட்டி பேசிய போது, அதையெல்லாம் நான் பாராட்டாக எடுத்துக்கொள்ளவில்லை, என் மேல் நீங்கள் வைத்திருக்கின்ற நம்பிக்கைக்கு நான் உழைப்பதற்கு ஊக்கமாக எடுத்துக் கொள்கிறேன். அதேபோல, கோரிக்கைகளையும் வேண்டுகோளாகவும் சொல்லியிருக்கிறீர்கள். உங்களுக்கே தெரியும் என்றும் நான் உங்களில் ஒருவன் உங்களுக்கான அனைத்தையும் நிச்சயம் படிப்படியாக நிறைவேற்றியே தீருவேன்.

கலைஞர் சொன்னது போல, 'நான்' என்பதை விட 'நாம்' என்ற சொல்லுக்குதான் வலிமை அதிகம். அதனால்தான், ஆட்சிப் பொறுப்பேற்றவுடனே இது, எனது அரசு அல்ல நமது அரசு என்று சொன்னேன்.

"வாருங்கள் நாம் அனைவரும் சேர்ந்து நமது கனவுகளை நிறைவேற்றிக் கொள்வோம்" என்று சொன்னேன். அதனால் தான், எல்லாருக்கும் எல்லாம் என்ற பொருள் பட திராவிட மாடல் அரசு என்று நம்முடைய அரசுக்கு பெயர் வைத்தேன். திராவிட மாடல் என்றால், சமூகநீதி, சமத்துவம், சமதர்மம், சகோதரத்துவத்தை காக்கக்கூடிய அரசு.

ஏழை எளியவர்கள், ஒடுக்கப்பட்டோர், ஒதுக்கப்பட்டோர், விளிம்பு நிலை மக்கள், பெண்கள், இளைஞர்கள், முதியோர், மாற்றுத் திறனாளிகள், திருநர் என்று அனைவரையும் உள்ளடக்கிய அரசு இது. இது ஏதோ அரசியலுக்காக, தேர்தலுக்காக செய்வது இல்லை உள்ளார்ந்த அன்புடன் செய்வது என்பிறந்தநாள் அன்றைக்கு, இங்கே நம்முடைய நண்பர் குறிப்பிட்டுச் சொன்னார்.