போதையால் பாதைமாறியவர்களின் வாழ்வில் பட்டொளி வீசும் ‘கலங்கரை' திட்டம்

. தமிழ்நாட்டில் 25 மையங்களில் 17 ஆயிரம் பேர் பயன் . உளவியல் முதல் உடற்பயிற்சி வரை இலவச சிகிச்சை . தேசிய நலவாழ்வு குழும இயக்குநர் தகவல்

- 

போதை பழக்கத்தால் பாதிக்கப்பட்டவருக்கு, மறுவாழ்வு மையத்தில் சிகிச்சை அளிக்கப்படுகிறது.

சென்னை, ஜூன் 16: ஐ.நா போதைப்பொருள் கடத்தல் மற்றும் குற்ற அலுவலகம் வெளியிட்டுள்ள தகவல்படி, இந்தியாவில் 15 முதல் 64 வயதுக்கு உட்பட்டவர்கள் 17 பேரில் ஒரு நபர் போதைப்பொருளை பயன்படுத்துகின்றனர். குறிப்பாக மதுபானம், கஞ்சா, ஹெராயின், ஓபியம் உள்ளிட்ட போதை பொருட்களை அதிகளவில் பயன்படுத்துவதாக அதில் தெரிவிக்கப்பட்டுள்ளது.

போதைப் பொருள் பயன்பாடு என்பது தனி மனிதனின் ஆரோக்கியத்திற்கும், மனநலம், குடும்ப நலத்திற்கும், சமூக வளர்ச்சிக்கும் பெரிய தடையாக உள்ளது. தமிழகத்தில் போதை பழக்கத்தை தடுப்பதில் மாநில அரசும், காவல்துறையும் பல்வேறு நடவடிக்கைகளில் ஈடுபடுகின்றன. அத்துடன் போதைப்பொருள் பயன்பாட்டால் பாதிக்கப்பட்டவர்களை முழுமையாக மீட்டு, சமூகத்தில் நலமுடன் வாழ தேவையான உடல் மற்றும் மன ஆரோக்கியத்தை பேணி பாதுகாக்க பல்வேறு நடவடிக்கைகள் மருத்துவம் மற்றும் மக்கள் நல்வாழ்வுத் துறையால் மேற்கொள்ளப்பட்டு வருகிறது.