கூட்ட நெரிசலால் பயணிகள் அவதி குமரி - சென்னைக்கு இரண்டாவது இரவு நேர ரயில் இயக்கப்படுமா?

கன்னியாகுமரியில் இருந்து சென்னைக்கு திருநெல்வேலி, மதுரை வழியாக கூடுதலாக இரவு நேர ரயில் இயக்கப்பட வேண்டும் என கோரிக்கை எழுந்துள்ளது.

- 

தென் இந்திய அளவில் ராமேஸ்வரத்துக்கு அடுத்தப்படியாக அதிக ஆன்மிக பக்தர்கள் வந்து செல்லும் இடமாக, முக்கடலும் சங்கமிக்கும் கன்னியாகுமரி உள்ளது. கன்னியாகுமரிக்கு 1979-ம் ஆண்டு ஏப்ரல் 15ம் தேதி மக்கள் பயன்பாட்டுக்கு நேரடியாக ரயில் போக்குவரத்து பொதுமக்கள் பயன்பாட்டுக்கு இயக்கப்பட்டது.

நீண்டகாலத்திற்கு பிறகு கன்னியாகுமரியிலிருந்து தமிழகத்தின் தலைநகர் சென்னைக்கு 1994-ம் ஆண்டு நேரடியாக ரயில் மூலம் இணைக்கப்பட்டு அந்த ரயில் கன்னியாகுமரி எக்ஸ்பிரஸ் என்ற பெயரில் இயக்கப்பட்டது.