நாகர்கோவில் ஊட்டுவாழ்மடத்தில் ரயில்வே சுரங்கப்பாதையில் நீர் கசிவால் தேங்கும் தண்ணீர்

பக்க சுவர்களில் விரிசல் - பொதுமக்கள் அச்சம்

- 

நாகர்கோவில் ஊட்டுவாழ்மடத்தில் புதிதாக கட்டப்பட்ட ரயில்வே சுரங்கப்பாதையில் பக்க சுவர்களில் நீர் கசிவு காரணமாக மக்கள் அச்சப்படும் நிலை உள்ளது.

நாகர்கோவில், ஜூன் 9 : நாகர்கோவில் ஊட்டுவாழ்மடத்தில் புதிதாக கட்டப்பட்ட ரயில்வே சுரங்கப்பாதையில் பக்க சுவர்களில் நீர் கசிவு காரணமாக மக்கள் அச்சப்படும் நிலை உள்ளது. நாகர்கோவில் சந்திப்பு ரயில் நிலையம் அருகே ஊட்டுவாழ்மடத்தில் ரயில்வே கேட் அமைந்துள்ளது. ரயில் நிலையத்தின் அருகில் உள்ளதால், நாள் ஒன்றுக்கு 50 தடவைக்கு மேல் இந்த ரயில்வே கேட் மூடப்படும். இன்ஜின் மாற்றம், ரயில்கள் வருகை உள்ளிட்ட காரணங்களால் இவை மூடப்படுவது வழக்கம். இதனால் ஊட்டுவாழ்மடம் மற்றும் அதை சுற்றி இருந்த மக்கள், பெரும் சிரமம் அடைந்தனர்.

எனவே இந்த ரயில்வே கேட்டை கடக்க சுரங்க நடைப்பாதை அமைக்க வேண்டும் என கோரிக்கை எழுந்தது. இதை ஏற்று, இதற்கான பணிகள் சுமார் ரூ.4.5 கோடியில் கடந்த 2023ம் ஆண்டு ஜூன் மாதம் தொடங்கின. 6 மாதத்தில் பணிகளை முடிக்க திட்டமிட்டனர். ஆனால் பணிகள் முடிவடைய வில்லை.