கோடை விடுமுறைக்கு பின் பள்ளிகள் இன்று திறப்பு

அனைத்து குழந்தைகளுக்கும் காலை உணவை உறுதி செய்ய உத்தரவு

- 

நாகர்கோவில், ஜூன் 2: கோடை விடுமுறைக்கு பின்னர் தமிழ்நாட்டில் பள்ளிகள் இன்று (2ம் தேதி) திறக்கப்படுகிறது. இதனையொட்டி பள்ளிகளை தயார்படுத்தும் பணிகளில் பணியாளர்கள் ஈடுபட்டு வருகின்றனர். பள்ளி வளாகங்கள் சுத்தம் செய்யப்பட்டுள்ளது. வகுப்பறைகள் சுத்தப்படுத்தப்பட்டு வர்ணம் பூசப்பட்டுள்ளது. மேலும் பள்ளிகளில் பின்பற்றப்பட வேண்டிய பல்வேறு அறிவுரைகள் தலைமை ஆசிரியர்களுக்கு வழங்கப்பட்டுள்ளது. அதன் விபரம் வருமாறு:

ஒவ்வொரு வாரமும் செவ்வாய்கிழமை அன்று காலை வணக்க கூட்டத்தில் 6 முதல் 12ம் வகுப்பு உள்ள பள்ளிகளில் போதை எதிர்ப்பு சார்ந்த தகவல்கள், கருத்து பரிமாற்றம் சார்ந்து பேச்சு, கவிதை, சுவரொட்டி, நாடகம், பாட்டு, திருக்குறள் கதைகள் இடம்பெறலாம்.
முதலமைச்சர் காலை உணவு திட்டம் அனைத்து குழந்தைகளுக்கும் குறித்த நேரத்திலும் தரமானதாகவும், வழங்குவதை உறுதி செய்தல் வேண்டும்.