பாமக பொருளாளர் திலகபாமா மாவட்ட செயலாளர்கள் நீக்கம்

பாமக பொருளாளர் திலகபாமா மற்றும் சில மாவட்ட செயலாளர்களை நீக்கி ராமதாஸ் அதிரடி நடவடிக்கையில் ஈடுபட்டுள்ளார்.

- 

பாமகவில் தந்தை, மகன் இடையே ஏற்பட்ட மோதல் உச்சகட்டத்தை அடைந்துள்ள நிலையில் நேற்று முன்தினம் தைலாபுரம் தோட்டத்தில் பேட்டியளித்த பாமக நிறுவனர் ராமதாஸ், மகன் அன்புமணி மீது சரமாரியான குற்றச்சாட்டுகளை கூறினார்.

“வளர்த்த கிடா மார்பில் பாய்ந்து விட்டது, பெற்ற தாய் என்றும் பாராமல் பாட்டிலால் தாக்கினார், மூச்சு விடாமல் பொய் பேசுபவர், தலைமை பண்பு இல்லாதவர், பாஜ கூட்டணிக்காக மனைவியுடன் என் காலில் விழுந்தார், தேவைப்பட்டால் பொதுக்குழுவை கூட்டி அவரை கட்சியில் இருந்தே நீக்குவேன்” என்று பகிரங்கமாக தெரிவித்தார். இவ்வாறு அன்புமணிக்கு எதிரான தனது ஆதங்கத்தை கொட்டித் தீர்த்த ராமதாஸ், அவரது ஆதரவு மாவட்ட செயலாளர்கள் 25க்கும் மேற்பட்டோரை நீக்கி மாற்று நபர்களை நியமிக்கவும் முடிவெடுத்தார்.

இது தொடர்பாக ஆலோசிக்க மூத்த நிர்வாகிகள் சிலருக்கு நேற்று முன்தினம் இரவே அழைப்பு விடுத்தார். ஒருசிலரை தவிர்த்து மற்றவர்கள் யாரும் வராமல் புறக்கணித்தனர். இதனால் பொதுக்குழுவை கூட்டி அன்புமணியை கட்சியில் இருந்து நீக்கும் முடிவுக்கு சிக்கல் எழுந்துள்ளதால் ராமதாஸ் கடும் விரக்தியில் உள்ளதாக தகவல் வெளியானது.

கட்சியின் விதிகள் தனக்கு சாதகமாக இருந்தாலும் நிர்வாகிகளின் ஆதரவு மிகவும் குறைவாக உள்ளதால் தனது திட்டத்தை விரைந்து செயல்படுத்த முடியாத நிலை நிறுவனருக்கு ஏற்பட்டுள்ளதாக தெரிகிறது. எனினும் அன்புமணியை செயல் தலைவராக அறிவித்தபோது தன்னை விமர்சித்து கடுமையாக இருந்தார்.

'சமூக ஊடக பேரவை கூட்டத்தில் 6 பேரை அடிக்கிறதுக்கு நான் வைத்திருப்பதாக அன்புமணி கூறியுள்ளார். என்னை பற்றியும், சிவப்பிரகாசம், ஜிகே மணி பற்றியும் தவறாக சிலர் சமூக வலைதளங்களில் பதிவு போட்டிருந்தனர். நான் யாரையும் அடிப்பேனா, 32 மாவட்டத்துக்கும் போய் அவர்களுடன் கூட உட்கார்ந்து சாப்பிட்டுவிட்டு அளவளாவி வந்தவன் நான், இதுபோன்ற அடிதடிகளில் நான் போனதுகூட கிடையாது' என்று ராமதாஸ் கூறியிருந்தார். இந்த நிலையில், ராமதாசுக்கு எதிராக நிர்வாகிகள் கிளம்பியுள்ளதால் ஏதாவது அசம்பாவிதம் நடக்க கூடாது என்று கருதி தைலாபுரம் தோட்டத்திற்கு நேற்று கூடுதல் போலீஸ் பாதுகாப்பு போடப்பட்டது. தோட்டத்தின் நுழைவாயில் முன்பு நேற்று எஸ்ஐக்கள் உள்பட 6 போலீசார் பாதுகாப்பு பணிகளில் ஈடுபட்டிருந்தனர்.

ராஜினாமா கடிதத்துடன் வந்த சேலம் எம்எல்ஏ அருள்