ஆரல்வாய்மொழி அருகே பிரார்த்தனையில் பங்கேற்றுவிட்டு ஆலயத்திலே பதுங்கி இருந்து பணம் திருட்டு

ஆரல்வாய்மொழி அருகே மக்களோடு மக்களாக பிரார்த்தனையில் ஈடுபட்ட கொள்ளையன் அவர்கள் சென்ற பிறகு தேவாலயத்தின் உள்ளே பதுங்கியிருந்து காணிக்கை பெட்டியை உடைத்து பணத்தை திருடி சென்ற சம்பவம் பரபரப்பை ஏற்படுத்தி உள்ளது.

- 

குமரி மாவட்டம் ஆரல்வாய்மொழி சந்திப்பில் இருந்து செண்பகராமன் புதூர் செல்லும் சாலையில் அழகிய நகர் பகுதியில் லுத்திரன் தேவாலயம் உள்ளது. இங்கு வாரந்தோறும் ஞாயிறு, புதன்கிழமைகளில் காலை நேரத்தில் பிரார்த்தனை நடைபெறுவது வழக்கம். அந்த வகையில் 18ம்தேதி காலையில் பிரார்த்தனை முடிந்து தேவாலயத்தை பூட்டி விட்டு சென்றனர்.

இந்த நிலையில் நேற்று காலை அப்பகுதியை சேர்ந்த மணி என்பவர் அந்த வழியாக சென்ற போது, தேவாலயத்தின் முன்பகுதியில் உள்ள 3 அடி கல்தூண் பிடுங்கப்பட்டு வாசல் அருகே போடப்பட்டிருப்பதை கண்டு அதிர்ச்சியடைந்தார். இதனால் சந்தேகடைந்த அவர் உள்ளே சென்று பார்த்தபோது, தேவாலயத்தின் பின்பக்க கதவு திறக்கப்பட்டிருந்ததை கண்டார்.