கோடைகால வெப்ப அலையில் இருந்து தற்காப்பு வழிமுறைகள்

கோடை கால வெப்ப அலையில் இருந்து தற்காத்துக்கொள்ள வழிமுறைகள் தொடர்பாக சுகாதாரத்துறை விளக்கம் அளித்துள்ளது.

- 

வெயிலின் தாக்கம் நாளுக்கு நாள் அதிகரித்து வருகிறது. இதில் இருந்து பொதுமக்கள் தங்களை தற்காத்துக் கொள்ள விழிப்புணர்வு மற்றும் வழிமுறைகளை பொது சுகாதாரத்துறை வழங்கி வருகிறது. இதற்காக மாவட்ட சுகாதாரத்துறை மூலம் மாவட்டம் முழுவதும் பல்வேறு நடவடிக்கைகள் மேற்கொள்ளப்பட்டு வருகிறது.

மனித உடலின் சராசரி வெப்பநிலை 37 டிகிரி செல்சியஸ் ஆகும் (சுமார் 36.1 டிகிரி செல்சியஸ் முதல் 36.8 டிகிரி செல்சியஸ் வரை மாறுபடலாம்). சுற்றுப்புற வெப்பநிலையால் உடலின் வெப்பநிலை இந்த அளவை விட வெயிலின் தாக்கத்தால் 2-3 செல்சியஸ் வரை அதிகமாகும்போது, உடலின் வெப்பத்தை கட்டுப்படுத்த வியர்வை மற்றும் தோலுக்கு செல்லும் ரத்த ஓட்டம் அதிகரிக்கிறது. இதன் மூலம் உடலிலிருந்து வெப்பம் வெளியேற்றப்படுகிறது. இதனால் நீர்ச்சத்துக் குறைபாடு, தசை பிடிப்பு, தீவிர வெப்ப அதிர்ச்சி போன்றவை ஏற்பட வாய்ப்புள்ளது.

இந்த வெப்பம் அதிகரிக்கும் காலங்களில் அதிகம் பாதிக்கப்படுபவர்கள் பச்சிளம் குழந்தைகள், சிறுவர்கள், கர்ப்பிணி பெண்கள், கட்டட பணியாளர்கள், வெயிலில் வேலை செய்பவர்கள், புகை மற்றும் மது பழக்கம் உடையவர்கள், தொற்றா நோய் உடையவர்கள் மற்றும் முதியவர்கள் ஆவர். வெப்பத்தின் தாக்கத்தால் ஏற்படும் அறிகுறிகளில் அதிக தாகம், தலைவலி, உடல் சோர்வு, தசை பிடிப்பு, சிறுநீர் குறைவாக வெளிவருதல், மயக்கம் மற்றும் வலிப்பு போன்றவை அடங்கும்.