சட்டத்துறை சார்பில் ரூ.55.68 கோடியில் மதுரை, வேலூர் அரசு சட்டக்கல்லூரிகளில் கட்டிடம்

முதல்வர் மு.க.ஸ்டாலின் திறந்து வைத்தார்

- 

சட்டத்துறை சார்பில் ரூ.55.68 கோடி செலவில் மதுரை மற்றும் வேலூர் அரசு சட்டக் கல்லூரியில் கட்டப்பட்டுள்ள புதிய கட்டிடங்களை முதல்வர் மு.க. ஸ்டாலின் திறந்து வைத்தார்.

சட்டத்துறை சார்பில் மதுரை அரசு சட்டக் கல்லூரியில் ரூ.48 கோடியே 20 லட்சத்து 50 ஆயிரம் செலவில் கட்டப்பட்டுள்ள கல்விசார் மற்றும் நிருவாக தொகுதி கட்டடங்கள் மற்றும் வேலூர் அரசு சட்டக் கல்லூரியில் ரூ.6 கோடியே 46 லட்சத்து 85 ஆயிரம் செலவில் தரை மற்றும் இரண்டு தளங்களுடன் கட்டப்பட்டுள்ள நூலகக் கட்டடம் ஆகியவற்றை தலைமை செயலகத்தில் நடைபெற்ற நிகழ்ச்சியில் முதல்வர் மு.க. ஸ்டாலின் நேற்று காணொலிக் காட்சி மூலம் திறந்து வைத்தார்.