'ONDERRIG GEWEIER' OOR SOKKIES, HARE

'N VIDEO waarin 'n gemeenskapsleier van Idasvallei in Stellenbosch aanvoer dat leerders van die Hoërskool Luckhoff onderrig geweier is oor hulle sokkies en hare, het vandeesweek vir groot ontsteltenis gesorg.

- CHRISLYNN SIAS-LOUW

OMSTREDE: Die Hoërskool Luckhoff word daarvan beskuldig dat kinders onderrig geweier is oor hulle sokkies en hare.

Volgens Melissa Hollenbach was sy Maandag op pad iewers heen toe sy talle leerders verby haar sien loop op pad van die skool af.

Sy het hulle gestop en gevra hoekom hulle op pad huis toe is.

"Van die kinders het gesê hulle is weggewys oor hulle sokkies, ander weer oor hulle hare, en nog een het gesê dit is oor die skoene wat hy aangehad het omdat hy nie skoolskoene het nie."

Die vrou is toe self skool toe om ondersoek te gaan instel. Met haar aankoms by die skool het sy versoek om die prinsipaal te sien. Sy is egter deur die onderhoof gesien.