OUMA SE HUIS KRY NUWE GESIG

HAAR hart loop oor van vreugde en dankbaarheid, en sy kan nie genoeg dankie sê aan Phillip Seroux en al die mense wat hom bygestaan het nie.

- GARNETT WICOMB

Só het die 75-jarige ouma Sarie Koemitoe van Siyabongalaan, Bongolethu, Vrydagoggend gesê nadat sy haar opgeknapte huis se nuwe deur oopgesluit het.

Die opknapping van die vervalle huis was die inisiatief van Seroux, wat gesien het in watter toestand die huis was.

Hy het ondersteuning gekry van veral Oudtshoorn Korrektiewe Dienste, AO J. Bowers, sektor-bevelvoerder van die SAPD, Build it en talle besighede en organisasies ter viering van Mandeladag.