Ydy Guinness yn gwrw Cymreig?

HONIADAU PARHAOL AM DARDDIAD GWREIDDIOL 'GWIN Y GWAN'

- Gan ERYL CRUMP

HYDDHAWYD House of Guinness, cyfres ddrama hanesyddol am y bragdy Gwyddelig, ar sianel Netflix yr wythnos diwethaf.

Mae'r gyfres wyth rhaglen yn olrhain hanes y teulu tu ôl i gwmni bragu Guinness yn Iwerddon ac Efrog Newydd yn y bedwaredd ganrif ar bymtheg. Mae'n stori'n dilyn canlyniadau marwolaeth Benjamin Guinness, y dyn a oedd yn gyfrifol am lwyddiant rhyfeddol bragdy Guinness, â thynged ei blant - Arthur, Edward, Anne a Ben.

Mae'r ddiod Gwyddelig hon yn cael ei hadnabod a'i charu ledled y byd gan gael ei gwerthu mewn dros 150 o wledydd a gyda 10 miliwn o wydrau'n cael eu mwynhau bob blwyddyn.

Yn ôl cwmni Guinness, yn 1759, yn 34 oed, llofnododd Arthur Guinness brydles ar gyfer Bragdy St James's Gate, Dulyn. Fe brydlesodd y bragdy am 9,000 o flynyddoedd am rent blynyddol o £45.