Asiantaeth dai'n rhoi cymorth i bobl fyw'n annibynnol

AE asiantaeth sy'n dathlu 10 mlynedd o lwyddiant mewn newid bywydau wedi sicrhau gwerth £4.6 miliwn o atgyweiriadau a gwelliannau cartref i bobl fregus.

- 

Datgelwyd y newyddion yng nghyfarfod blynyddol Gofal a Thrwsio Conwy a Sir Ddinbych sy'n gwasanaethu ardal eang, sy'n ymestyn o Lanfairfechan i Langollen.

Dros y degawd diwethaf mae'r elusen, is-gwmni i gymdeithas dai Grŵp Cynefin, wedi helpu bron i 50,000 o bobl 60 oed neu'n hŷn mewn eiddo preifat neu eiddo wedi'i rentu.

Y nod dros y degawd diwethaf fu eu cynorthwyo i barhau i fyw'n ddiogel, yn gynnes ac yn annibynnol yn eu cartrefi eu hunain.

Ers lansio Gofal a Thrwsio Conwy a Sir Ddinbych yn 2015 mae wedi lleddfu'r baich ar y GIG trwy arbed 16,735 o ddiwrnodau gwelyau ysbyty trwy ei wasanaeth rhyddhau cyflym Ysbyty i Gartref lachach.

Mae hefyd wedi cynorthwyo'r rhai mewn angen i gael budd-daliadau yr oeddent yn colli allan arnynt - gan gefnogi 1,741 o bobl i gynyddu eu hincwm i swm sy'n cyfateb i £7.4 miliwn yn y 10 mlynedd diwethaf.

Crëwyd yr asiantaeth 10 mlynedd yn ôl pan unodd y gwasanaeth gofal a thrwsio yng Nghonwy gyda'i chwaer sefydliad yn Sir Ddinbych. Ar yr un pryd, crëwyd cymdeithas dai Grŵp Cynefin gydag uno Tai Clwyd a Tai Eryri, a daeth yr asiantaeth yn rhan o Grŵp Cynefin.

Roedd y Cadeirydd Clifton Robinson, sydd â phrofiad helaeth mewn rolau uwch reolwyr ac arwain yn y sector tai, yn falch iawn o arwain y sefydliad.