ஏழைகள் ரதத்தின் கட்டணத்தை உயர்த்த வேண்டாம்...

ஏழைகளின் ரதம் ரயில். இந்தியாவில் குறைந்த செலவில் நிறைந்த பயணத்தை ரயிலிலேயே மக்கள் அனுபவிக்கின்றனர். ஏனெனில் இருக்கை பயணம் மட்டுமல்ல படுக்கை பயணமும் ரயிலில் தான் சாத்தியம். பஸ்ஸில் ஏசி ஸ்லீப்பர் இருந்தாலும், அது ரயில் படுக்கைக்கு இணையாவதில்லை.

- 

இவ்வாறு இருக்க நேற்று முதல் ரயில் கட்டணம் உயர்த்தப்பட்டுள்ளது. அதன்படி ஏசி இல்லாத விரைவு ரயில், மெயில் ரயில் மற்றும் ஏசி வசதி கொண்ட ரயில் கட்டணம் அரை பைசா முதல் இரண்டு பைசா வரை உயர்த்தி ரயில்வே அறிவிப்பை வெளியிட்டுள்ளது.

இதில், ஏசி வசதி அல்லாத விரைவு மற்றும் மெயில் ரயில்களில் 500 கி.மீ. வரை எந்த கட்டண உயர்வும் இல்லை என அறிவிக்கப்பட்டுள்ளது. அதேசமயம், 501 - 1500 கி.மீ வரை தூரத்திற்கு ரூ. 5 உயர்த்தப்பட்டுள்ளதாகவும், 1501 - 2,500 கி.மீ. வரையிலான தூரத்திற்கு ரூ. 10 உயர்த்தப்பட்டுள்ளதாகவும், 2,501 - 3,000 கி.மீ. வரையிலான தூரத்திற்கு ரூ. 15 உயர்த்தப்பட்டுள்ளதாகவும் ரயில்வே அதிகாரப்பூர்வமாக அறிவித்துள்ளது.

சென்னையில் இருந்து கன்னியாகுமரி வரை செல்லும் பயணி 700 கிலோ மீட்டர் தொலைவுக்கு 35 ரூபாய் மட்டுமே கூடுதலாக கட்டணம் செலுத்த வேண்டும். அதேபோல், ஏசி பெட்டிகளுக்கான கட்டணம் கிலோ மீட்டருக்கு இரண்டு பைசா அதிகரித்து ரயில்வே அதிகாரப்பூர்வமாக அறிவித்துள்ளது. இதில், மூன்றாம் வகுப்பில் இருந்து முதல் வகுப்பு வரையிலான அனைத்து ஏசி பெட்டிகளுக்கும் இது பொருந்தும் எனத் தெரிவிக்கப்பட்டுள்ளது