இனியாவது அதிமுக விழித்துக் கொள்ள வேண்டும்..

தமிழ்நாட்டின் இரண்டாவது பெரிய கட்சியான அதிமுக, முதல்வர் நாற்காலிகளை அலங்கரித்த அதிமுக, இன்று நாளொரு தேய்மானமும் பொழுதொரு நொம்பலமும் அடைந்து வருவது கொள்கை சறுக்கலால் தான். ஆளுமையான தலைவர்கள் இல்லாததால் ஆளுக்கு ஆள் அக்கட்சியை விமர்சிப்பது கண்கூடாக தெரிகிறது.

- 

அது கூட பரவாயில்லை, ஒரு காலத்தில் அதிமுக கூட்டணியில் இருப்பதாக கூறிக்கொண்ட பாஜக, இப்போது பாஜக கூட்டணியில் அதிமுக இருப்பதாக கூறுவதோடு அல்லாமல், 'முடிந்தவரை பாஜக ஆட்சி, முடியாவிட்டால் கூட்டணி ஆட்சி' என்று தினமும் சொல்லி வருகிறது. கிட்னி திருடர்களுக்கு பயந்து வாய் மூடி இருந்த காமெடி கதையாக, இதற்கு பதில் சொல்லக் கூட திராணியின்றி அதிமுக பம்மி வருகிறது. அதன் தயக்கத்தை சாதகமாக்கிக் கொண்ட பாஜக, ஆர் எஸ் எஸ், இந்து முன்னணி கும்பல், இப்போது அக்கட்சி முன்னணித் தலைவர்களை முன்னாடி வைத்துக்கொண்டு முன்னோடி தலைவர்களை இழிவுபடுத்திக் காட்டுகிறது.