கொரோனாவை ஒடுக்க துரித நடவடிக்கை தேவை

கொரோனா-இந்த வார்த்தையை கேட்டவுடன் கடந்த காலத்தில் நாம் சந்தித்த பேரிழப்புதான் நினைவுக்கு வரும். ஒரு காலத்தில் காலரா, பிளேக் போன்ற நோய்கள் கொத்துக்கொத்தாக உயிரை கொண்டுபோன வரலாறை முன்னோர்கள் சொல்லி கேள்விபட்டிருப்போம். அந்த கொடூரம் நம்கண்காண கொரோனா ரூபத்தில் வந்து மனித உயிர்களை காவு வாங்கியது.

- 

2019 ஆம் ஆண்டு இறுதியில் பரவத் தொடங்கிய கொரோனா வைரஸ், உலகத்தையே முடக்கிப்போட்டது. லட்சக்கணக்கான உயிரிழப்புகள், கோடிக்கணக்கில் பொருளாதார இழப்புகள் என ஒட்டுமொத்த உலகமே ஸ்தம்பித்தது. இந்தபாதிப்புகளிலிருந்து மக்கள் மீண்டு வந்த நிலையில், மீண்டும் அச்சுறுத்துகிறது.

கடந்த காலத்தைப்போல் இப்போதும் கொரோனா தாக்கம் சீனாவில்தான் அதிகரிக்க தொடங்கியது.வ ஜப்பான் உள்ளிட்ட நாடுகளிலும் தொற்று உயர்ந்து வருகிறது. அந்த கொரோனா இப்போது இந்தியாவிலும் தலைகாட்டத் தொடங்கியுள்ளது. கடந்த சில வாரங்களாக கேரளா, மகாராஷ்டிரா உள்ளிட்ட பல்வேறு மாநிலங்களில் கொரோனா பாதிப்பு அதிகரித்து வந்தது. நாடு முழுவதும் தற்போது கொரோனா பாதிப்பால், ஆயிரத்து 10 பேர் சிகிச்சையில் இருப்பதாக மத்திய சுகாதாரத் துறை தெரிவித்துள்ளது. அதில், 752 பேருக்கு அண்மையில் தொற்று உறுதியாகியுள்ளது.