தாழ்த்தப்பட்டோர் கல்வியில் உயர்ந்து நிற்கும் தமிழ்நாடு..

திராவிட இயக்கத்தின் தோற்றுவிக்கப்பட்டதே ஒடுக்கப்பட்ட மக்களின் உயர்வுக்காகத்தான். அந்த உன்னத இலட்சியத்தை அடைய ஒவ்வொரு ஆட்சிக்காலத்தின் போதும் திமுக சிற்சில அடிகளை எடுத்துவைத்து முன்னேறுகிறது.

- 

சமீபத்தில் நடந்துமுடிந்த தமிழ்நாட்டின் பன்னிரெண்டாம் வகுப்பு பொதுத்தேர்வில், பட்டியல் மற்றும் பழங்குடியின மாணவர்களின் தேர்ச்சி சதவிகிதம் கடந்த 60 ஆண்டுகளில் இல்லாத அளவிற்கு 96 சதவிகிதத்தை அடைந்து புதிய சாதனை படைத்துள்ளது. இது குறித்து தமிழக முதல்வர் மு.க.ஸ்டாலின், "கல்வியில் சமூகநீதிக்கான வெற்றி இது. பட்டியல் மற்றும் பழங்குடியின மாணவர்களின் தேர்ச்சி இதுவரை இல்லாத உச்சத்தை அடைந்துள்ளது. உயர் கல்வியிலும் இந்த உயரத்தை உறுதிசெய்து வருகிறோம். தமிழ்நாட்டின் கல்வி வளர்ச்சிக்காக நமது திராவிட மாடல் அரசு தீட்டும் திட்டங்களால் வரலாற்றில் இடம்பெறும்." என்றுதனது சமூக வலைதளப் பக்கத்தில் பதிவிட்டுள்ளார்.

தமிழ்நாட்டில் திராவிட இயக்கங்களின் கல்விப்பணி சிறப்பானது. திராவிட இயக்கத்தின் மூலாதாரமான நீதிக்கட்சி காலந்தொட்டே கல்விப்பணியில் கவனம் செலுத்தப்பட்டது. திராவிட இயக்க முன்னோடியான சர். பிட்டி. தியாகராயர் சென்னை மாநகராட்சி மன்றத் தலைவராக இருந்தபோது, 1920 செப்டம்பர் 19-ஆம் தேதி நடைபெற்ற மாநகராட்சி மன்றக் கூட்டத்தில் பள்ளி மாணவர்களுக்கான மதிய உணவுத் திட்டத் தீர்மானம் நிறைவேற்றப்பட்டு, இந்தியாவிலேயே முதன்முறையாக சென்னை மாநகராட்சியில் திட்டம் செயல்படுத்தப்பட்டது.