11-ம் வகுப்பு பொதுத்தேர்வு ரத்தாகிறது

தேசிய கல்விக்கொள்கைக்கு பதிலாக தமிழ்நாடு கல்விக்கொள்கையை தமிழ்நாடு முதல் அமைச்சர் மு.க.ஸ்டாலின் நேற்று வெளியிட்டார். இந்த கல்வித்திட்டத்தின் படி 11-ம் வகுப்பு பொதுத்தேர்வு ரத்தாகிறது.

- 

“தமிழ்நாடு மாநில கல்விக் கொள்கை 2025 - பள்ளிக் கல்வி" வெளியிட்டு,முதன்மை உயர்கல்வி நிறுவனங்களுக்குச் செல்லும் அரசுப் பள்ளி மாணவ, மாணவியர்களுக்கு பாராட்டுச் சான்றிதழ் மற்றும் மடிக்கணினிகள் தமிழ்நாடு முதலமைச்சர் மு.க. ஸ்டாலின் வழங்கினார்.

தமிழ்நாடு முதலமைச்சர் மு.க. ஸ்டாலின் நேற்று (8.8.2025) சென்னை, கோட்டூர்புரம், அண்ணா நூற்றாண்டு நூலகத்தில் பள்ளிக்கல்வித் துறை சார்பில் நடைபெற்ற நிகழ்ச்சியில், "தமிழ்நாடு மாநில கல்விக் கொள்கை 2025-பள்ளிக்கல்வி”யை வெளியிட்டார். மேலும், முதன்மை உயர்கல்வி நிறுவனங்களுக்குச் செல்லும் அரசுப் பள்ளி மாணவ, மாணவியர்களுக்கு பாராட்டுச் சான்றிதழ் மற்றும் மடிக்கணினிகளை வழங்கி வாழ்த்தினார்.