திருவண்ணாமலையில், புதிய ‘மகளிர் விடியல்’ பயண நகர பேருந்துகள்

திருவண்ணாமலை அருகே தென்மாத்தூர் தீபம் நகரிலிருந்து தமிழ்நாடு அரசு போக்குவரத்துக்கழகம் சார்பில் 6 புதிய மகளிர் விடியல் பயண நகர பேருந்துகளை தமிழ்நாடு துணைமுதலமைச்சர் உதயநிதி ஸ்டாலின் நேற்று கொடியசைத்து தொடங்கி வைத்தார். அருகில் அமைச்சர் எ.வ.வேலு, துணை சபாநாயகர் கு.பிச்சாண்டி, மாவட்ட ஆட்சியர் க.தர்ப்பகராஜ் ஆகியோர் உள்ளனர்.'

- 

திருவண்ணாமலை, ஜூலை.14-

திருவண்ணாமலை அருகே தென்மாத்தூர் தீபம் நகரிலிருந்து தமிழ்நாடு அரசு போக்குவரத்துக்கழகம் சார்பில் 6 புதிய மகளிர் விடியல் பயண நகர பேருந்துகளை தமிழ்நாடு துணை முதலமைச்சர் உதயநிதி ஸ்டாலின் கொடியசைத்து தொடங்கி வைத்தார்.

திருவண்ணாமலை மாவட்டத்தில் நடைபெறும் பல்வேறு நிகழ்ச்சிகளில் கலந்து கொள்ள தமிழ்நாடு துணை முதலமைச்சர் உதயநிதி ஸ்டாலின் நேற்று இரவு திருவண்ணாமலைக்கு வருகை புரிந்தார். இதனை தொடர்ந்து நேற்று காலை பொதுப்பணித்துறை அமைச்சர் எ.வ.வேலுவின் தம்பி மகன் திருமண நிகழ்ச்சியில் கலந்துகொண்டு மணமக்களை வாழ்த்தினார்.

அதனைத் தொடர்ந்து திருவண்ணாமலை அடுத்த தென்மாத்தூர் ஊராட்சியில் தமிழ்நாடு அரசு போக்குவரத்து கழகம் திருவண்ணாமலை மண்டலம் சார்பில் புதியதாக இரண்டு நகர பேருந்து மற்றும் நான்கு குளிர்சாதன பேருந்துகளை துணை முதலமைச்சர் உதயநிதி ஸ்டாலின் கொடியசைத்து தொடங்கி வைத்தார்.