பாஜகவின் அரசியல் மாநாடு..

அரசியலில் ஆன்மீகம் கலப்பதுண்டு, ஆன்மீகத்திலும் அரசியல் உண்டு. ஆனால் அப்பட்டமான அரசியலையே ஆன்மீகமாக மடை மாற்றுகின்ற வேலையை பாஜக நாடு முழுவதும் செய்து வருகிறது. முருக பக்தர்கள் மாநாடு என்பதை அறுபடை வீடுகளில் நடத்தினால் ஆன்மீகம். அதை மதுரையில் நடத்தியது அரசியல்.

- 

முருக பக்தர்கள் மாநாட்டுக்காக அறுபடை வீடுகளின் மாதிரி கோவில்களை அமைக்கலாம், ஆனால் பூஜைகள் செய்யக்கூடாது என்று உயர்நீதிமன்றம் உத்தரவிட்டது. ஆனால் மாநிலத்தின் ஆளுநரே மதச்சார்பு கொள்கை மீறி, சட்டத்தை உடைத்துக் கொண்டு பூஜை புனஸ்காரம் செய்தது நடந்தது. நல்ல வேளை, விநாயகர் சதுர்த்தியின் போது வீதியில் வைக்கப்படும் பிள்ளையார் சிலையை அப்படியே சாமி ஆக்கி விடுவது போல, பிரதிஷ்டை செய்ததால் மாற்ற முடியாது. பூஜை புனஸ்காரங்களால் உருவேற்றியதால் சாமிக்கு உரிய சக்தி உள்ளது. எனவே அறுவடை வீடுகளை இங்கேயே தரிசிப்போம் என்று சொல்லாமல் இருந்தாலே போதும்.