வேடசந்தூர் அருகே பரபரப்பு சம்பவம்: 3 வாலிபர்களுக்கு அரிவாள் வெட்டு

வேடசந்தூர் அருகே போலீஸ் நிலையத்தில் நிபந்தனை ஜாமீனில் கையெழுத்து போட்டு விட்டு வந்த 3 வாலிபர்களை வழிமறித்து அரிவாள் மற்றும் பட்டாக்கத்தியால் வெட்டிய 9 பேரை போலீசார் வலைவீசி தேடி வருகின்றனர். தாக்குதல் ஈடுபட்டவர்களை உடனடியாக கைது செய்ய வலியுறுத்தி பொதுமக்கள் பஸ் மறியல் செய்ததால் பரபரப்பு ஏற்பட்டது.

- 

திண்டுக்கல் மாவட்டம் வேடசந்தூர் தாலுகா எரியோட்டில் கடந்த மாதம் டாஸ்மாக் கடையில் ஏற்பட்ட தகராறு காரணமாக மீனாட்சிபுரம் மற்றும் எலப்பார்ப்பட்டியைச் சேர்ந்தவர்களுக்கும் வாய் தகராறு ஏற்பட்டு தகராறு முற்றியதில் இருதரப்பைச் சேர்ந்த வாலிபர்கள் அரிவாள், மது பாட்டில், இரும்பு ராடு, உருட்டு கட்டை ஆகியவற்றை கொண்டு பயங்கரமாக மோதிக்கொண்டனர்.

இந்த தாக்குதலில் எலப்பார்பட்டியைச் சேர்ந்த ஸ்ரீதர் (வயது 21) என்ற வாலிபர் படுகாயம் அடைந்து திண்டுக்கல் அரசு மருத்துவமனை மருத்துவக் கல்லூரியில் சேர்க்கப்பட்டு தீவிர சிகிச்சை பெற்றார். இதுகுறித்து ஸ்ரீதர் புகாரின் பேரில் எரியோடு போலீசார் வழக்கு பதிவு செய்து எரியோடு மீனாட்சிபுரத்தை சேர்ந்த மதன், கருப்புசாமி, அருண்குமார் உள்ளிட்ட 8 பேர் மீது வழக்கு பதிவு செய்து கைது செய்து சிறையில் அடைத்தனர்.