இணையதள வழியில் ரூ.1.15 கோடி மோசடி: பெங்களூரு போலீசார் தேடிய நைஜீரிய நபர் கிருஷ்ணகிரியில் கைது

கிருஷ்ணகிரி தாலுகா இன்ஸ்பெக்டர் மணிமாறன் மற்றும் போலீசார் நேற்று முன்தினம் இரவு குந்தாரப்பள்ளி அருகே ஜீப்பில் ரோந்து சென்றனர். நள்ளிரவு 1.30 மணியளவில் கிருஷ்ணகிரி சுஙகச்சாவடி அருகே ஓசூர்- கிருஷ்ணகிரி சாலையில், கார் ஒன்று நின்று கொண்டிருந்தது.

- 

போலீசார் அங்கு சென்ற போது காரில் இருந்த நபர் காரை வேகமாக இயக்கினார். இதையடுத்து ஜீப்பில் போலீசார் துரத்தி சென்று காரை கிருஷ்ணகிரி சுங்கச்சாவடி அருகில் மடக்கி பிடித்தனர். பின்னர் காரை ஓட்டி வந்த நபரை பிடித்து விசாரித்தனர். அதில் அவர் நைஜீரிய நாட்டை சேர்ந்த எட்வர்ட் எபாம் இடுபோர் (வயது 43) என தெரிய வந்தது. அவர் இந்தியாவில் தங்க உரிமை பெற்று பெங்களூருவில் ஏஜென்சி ஒன்று நடத்துவதாக தெரிவித்தார்