2024-25ம் நிதியாண்டில் ரெப்கோ வங்கி ரூ. 21000 கோடி வர்த்தகத்தை தாண்டியது

மத்திய உள்துறை அமைச்சகத்தின் கீழ் செயல்பட்டு வரும் ரெப்கோ வங்கி 2024-25-ம் ஆண்டிற்கான நிதி நிலை அறிக்கையை வெளியிட்டுள்ளது.

- 

வங்கியின் தலைவர் சந்தானம், இயக்குநர் சி. தங்கராஜூ மற்றும் மேலாண்மை இயக்குநர் ஓ எம் கோகுல் அவர்கள் 2024-25 நிதியாண்டில் வங்கியின் செயல்பாட்டினை தெரிவிக்கையில், ரெப்கோ வங்கி 2024-25ம் நிதியாண்டில் அனைத்து வணிக பிரிவுகளிலும் சிறப்பாக செயல்பட்டுள்ளது என்றும், குறிப்பாக வங்கியின் வர்த்தகம் ரூ.21000 கோடியையும் மற்றும் கடன்கள் ரூ.10000 கோடியையும் கடந்து அவை முறையே ரூ.21146 கோடி மற்றும் ரூ.10135 கோடியாகவும் இருந்தது என்று கூறினர். மேலும் வங்கியின் வைப்பு நிதிகள் ரூ.11011 கோடியாக இருந்தது. வைப்பு நிதி மற்றும் கடன்களின் வளர்ச்சி விகிதம் முறையே 4% மற்றும் 12% ஆகும்.