இந்தியா முழுவதும் உச்சகட்ட பாதுகாப்பு டெல்லி செங்கோட்டை அருகே பயங்கரம் கார் வெடித்து சிதறி எரிந்தது : 10 பேர் பலி

பிரமர் மோடி, மு.க. ஸ்டாலின் உள்ளிட்டோர் இரங்கல்

- 

டெல்லி செங்கோட்டை அருகே நேற்று இரவு கார் வெடித்து சிதறி எரிந்தது. இந்த விபத்தில் 10 பேர் பலியானார்கள். மேலும் 24 பேர் காயம் அடைந்து மருத்துவ மனைகளில் தீவிர சிகிச்சை பெற்று வருகிறார்கள்.

டெல்லி செங்கோட்டை அருகே நேற்று மாலை 6.59 மணியளவில் மெட்ரோ ரெயில் நிலையம் அருகே கார் ஒன்று திடீரென தீப்பிடித்து, எரிந்தது. இதன்பின்னர் அந்த கார் வெடித்து சிதறியது. இந்த பகுதி, மக்கள் அதிக அளவில் வந்து செல்லும் பகுதியாகவும் உள்ளது. சாந்தினி சவுக் சந்தை உள்பட பல முக்கிய பகுதிகள் இதனருகே அமைந்துள்ளன. இந்த சூழலில் கார் வெடித்து சிதறிய பெரும் பரபரப்பை ஏற்படுத்தி உள்ளது. அந்த இடத்தில் கூடியிருந்த மக்கள் கார் வெடித்ததும் அலறியடித்து தப்பியோடினர்.