Mga piktyur, kumalat ECHO, SHOCKED NA ENGAGED NA SILA NI JANINE

MAGMULA nang aminin ni Jericho Rosales sa wake ni Pilita Corrales na girlfriend na niya si Janine Gutierrez, marami na ang nag-aabang ng kanyang announcement sa kanilang engagement. Alam ng publiko na doon din naman mauuwi ang kanilang relasyon.

- 

At na-excite ang maraming fans nina Janine at Jericho nang may sightings ng 10 paraw (sailboat) na naglayag sa laot ng Boracay na may nakasulat na: "Janine Gutierrez said YES!"

Inakala ng lahat na pakulo ito ni Jericho upang ipaalam sa lahat na engaged na sila ni Janine. Pero todo-deny si Jericho na siya ang may gawa ng nasabing statement na nakasulat sa mga paraw.

Siya nga raw mismo ay nagulat nang makita ito at napag-alaman niyang bahagi pala ito ng promo para sa latest endorsement ni Janine. Lumabas tuloy na engaged na sina Janine at Jericho.

Pero wala pang engagement na nagaganap. Huwag muna silang madaliin ng mga fans, lalo na't gumaganda ang direksiyon ng career ni Janine ngayon.