Duha patay sa aksidente sa kadalanan sa Cebu City ug Oslob

Nakabsan sa kinabuhi ang usa ka traysikad driver nga biktima sa hit-and-run diha sa South Road Properties (SRP) bridge northbound lane duol sa gate sa CCLEX kagahapon sa kadlawon.

- 

Sa oras sa pagsuwat niining balita wala pa nailhan ang biktima diin ang patay'ng lawas niini gidala ngadto sa usa sa mga punerarya sa Siyudad sa Sugbo.

Ang Traffic Enforcement Unit sa Cebu City Police Office nakadawat og tawag kalabot sa nahitabong aksidente diha sa naasoy nga dapit. Naabtan sa mga nirespondeng polis diha sa lugar nga nahitaboan ang ang biktima nga nagbuy-od sa karsada ug wala na maglihok.

Base sa taho gikan sa CCLEX operation giingong ang biktima nabanggaan og sakyanan nga nakita sa footage sa ilang closed circuit television (CCTV) camera.